گلیں
وانوکاں !
دیمءِ
ھپتگءَ ،
بلوچی تاکبند
"تپتان"ءِ"
گڈی سرگال"ءِ
بنگپءَ
،تپتانءِ شنگ
بیگءِ وشیں
جار و پدا بند
بیگءِ
ماجینیں حالءِ
سرگوستءَ
اولی برءَ ماں
"زرمبش" ءِ
وبسایٹءَ بوان
ات ۔
اے
ھپتگءَ وشیں
شعرے پھ شما
ندرانت ۔ اے
شعر تپتانءِ
گڈی تاکءَ شنگ
بیتگ ات . (
اسماعیل
امیری )
ھنکین
صابر توجانی
دوشی
کھ دلوں
بیگاریں
کپتیں
ترانگاں
زھیرواریں
لنٹوں
لرزاتنت داغداریں
چرّینتوں
زبان
تلکاریں
مغزوں
گوں جتیں
بیماریں
ھوش
آتکیں سروں بے
ساریں
بیاات
ھمبلاں
غم واریں
پیشی
نوبتان ءَ چاریں
بیارات
شاعریں وش
گالءَ
دست جنت
گروھگانءَ
بالا
سیماں
ساز کنت ٹال
ٹال ءَ
الھان
کنت بلوچ ءِ حال ءَ
پیشی
گوستگیں سالانی
وشیں
نوبت
و
دھرانی
کوہ و
کوچگ و شھرانی
میری
مجلساں
شیرانی
سُھرچَمیں مزار
بیمانی
ترندیں حملھاں
دنگانی
زھم و اسپر
و
جنگانی
جتک و
تاچگءَ
اسپانی
استین
دریپگیں لوکانی
وشیں
دنزگاں
ھِرّانی
نرمیں
بانشگاں
گوسکانی
نازیں
تردگاں
گورکانی
دردیں دودگاں
کورکانی
ماتکوہ
و جُڑ و
درنگانی
آسک و
پاچن و
گڈانی
زید و
کھچر
و تلانی
کنڈور و
تل و
شیرانی
سبزیں
سرسک و سندانی
کانیگ
و زَے و
کمبانی
تکش و
اوٹگ و
کھنانی
جُو و
دیرسریں کورانی
شھد و
شکلیں
آپانی
زیمگ
انت وطن ٹپانی
ھاکی
سریمگ انت
چمانی
وھدے
جمبراں بند
وارتگ
پرّام ءَ
رگاماں گورتگ
زردپلیں بھار
چو
رستگ
بادینت
انت بلوچاں
مستگ
مشک و
ھینزک و سئے
پادگ
دُشت
انت چمّ
خماراں مادگ
سبزآپ سر
سکاںءَ
رُمباں
سر ریچ
ات گران و
کمباں
سیھ
موریں رمگ
ماتبنداں
چو کھ
جمبر ءَ
ماں بنداں
گونگاں
درنگ اتنت
دربنداں
سیسیگ
بال اتنت
شیرکنڈاں
شاتول و
کپوت
ماں بلاں
ورنا
کجرواجیں ملاں
چاژگاھاں
درآتک انت
کلاں
سرکپت
انت بلندیں کوھاں
پیتاپ و
ِزہ
و
پشتاناں
گورمالی تچان و
میداں
پیش
چاری روانءَ
صیداں
شیری
سراپ اتنت
چاروکاں
توپک
لونج اتنت ماں
ڈوکاں
وھدے کھ
شت انت پھ
سیراں
گرندات
برنھ
و پنچ
تیراں
سکیں
کنھاں
دیم کنزاں
شیری و
ُپشنزی
جنزاں
موسم وش
اتنت آ
دوراں
آزمان ءَ
نبرّات ھوراں
گلزاریں بھار
سیلی ات
دل پھ گندگ میلی ات
شھر و
کلگءِ
سینگارات
دھقاناں جگ و
ننگارات
ھولیم و
کش و
تھم کارات
مچانی گش و
ایوارات
جو ّ و بنجگ و
پاکارات
خیر و
چنکک و کشکارات
ناہ و
پاچک ءِ
بازارات
برنج و گندم ءِ
بیپارات
براتی و
تپاکی ھورات
سر
چوٹیں
یلانی
زورات
دائم مکران
بانورات
شومّیں
دژمناں شپ
کورات
جی تئی
پھلوان مئے
شرّیں
سرودءِ
گروھگاں تاب
تریں
نیم
وابیں دلاں جَھ سرّین
زپتیں
ترانگانش پرّیں
زھیریگی بھ کشّ چیھال ءَ
الھانی بھ دئے تھتال ءَ
گلزاریں وطن
ویرانیں
راج ءَ
گٹ کتگ
حیرانیں
جیڑہ گوں وتی براتانیں
ھوناں ھار کتگ
طوفانیں
مردی توکل ءَ
پروشانیں
مھر و دوستی ءَ
روپانیں
ماتیں مکران
زھیرانیں
نشتگ
صابر انت نگران ءَ
شانک
دنت دیدگاں
حیران ءَ
ھنکیناں وتی گندان
ءَ
ایرانت
بانڈمش توجان ءَ
شاھی کلگ
انت
بیران ءَ
گالاں ڈک دات دلگران
ءَ