نودبندگ ءُ سوبانءِ
دلءِ گپان
نودبندگ:اے باز جواننت که شما وتئ قیمتی وھدا سر گوستئگ ات و منی اے
جستانی پسوے دیئگا تیارات، با وجوداشکے شماراوھد نئست و گون وتی کار و باران دست گٹٹ و اے ھم شمے پیشنهاد نبیتئگ،انگت شماانکار نکتئگ،اے ھمے چیزے گواھیا دات که شمے تها قومی جزبگ ھست و من اشیا سک باز قدر کنان.
نودبندگ: شمے ھدا نوکین حال
چیئنت؟
سوبان:
ھنیگین دگنیا نوکین ھبرا جاگا نئست انترنتا
بچارے، تلفنے سرا
عکس روان بدے، ھر نمونئین ھفته تاک،ماھتاک بوانے، ٹی وے سدانی کانالان که مں مختلفیں زباناں شنگ بنت گوش کنے و نوکیں کتابانی که شنگ بنت بوانۓ غیرہ و غیرہ.
نودبندگ: تۓ اے گپانی یک مزنیں بهرے مں سرپد نباں و لهتے چۓ اشاں
پجاروک انت و لهتے پهک بیگانه انت،
چۓ چوشکه سدانی کانال مں مختلفیں زباناں،ماھتاک، روچتاک، تلفن ذریه آ عکس رواں دئیگ. مۓ اسلامی ملکا غیر
فلسطینیانی و اسرائیلے جیرڑے و کم بازی القاھدہ باروا۔ گیشتریں گپ اخرتئگنت.
و ھمی گوشنت که ایراں دگنیاے شرتریں ملک بیت، پرچیا که اے اولگیں اسلامی ملکے۔ اے ھم گشنت که ایراں یک اسلامی ملکے و اسلام تها قومیت نیۂست و درست براتنت.
نودبندگ: تۓ خیالا ملاھانی اے ھبر راستئنت که ایران یک قومی ملکے و درستئگینانی حق یک حسابا دیئگ بیت؟ واے ھم گُشنت که بلوچ کار نکننت، مهنت نکئشنت،زھگے درس نواننت، قانون ایئل نکننت، ھر وھدے ھمے جهدانت که شپوکی بکننت، گڑا دگرانے میئار چے انت. اے ھم گُشنت که ھنی په بلوچان مزنین سهولیات جوڑ بیتئگ چُشکه آپ، برک، جادہ و تلفن، بلے بلوچ انگت ھماانت
که بیتئگنت، تۓ خیال چے انت؟
سوبان: اے باز مشکلین
جُستے، بلے منی گونڈین تجربه دگه چیزے گُشنت و
لهتے چے اے گپان من زائرا ھنچو گندئگاکائنت که اے ھبران گُشے راستنت،
بلے باطنا چُش نئنت، اے درستئگین نگیگیان وجه ھست و اے وجه انے پُشتاڈنیگانی دستے ھورے شُبینئگ بیت. بلے اے مشکلے زائریں دیمنت و آ بهرے که گندگ نبیت بائدانت زائر کنئگ ببیت.
توے بچار وھدے بلوچے زھگ درس وانیت، وھدے بلوچ لوٹے شرکت بجنت، گڑا آئیا چونیں اسرے دستا کئت. په مثال دیپلمے گپت گڑا دانشگاہ باریگ کئت. ھیا په بلوچے زھگا مشکل نئنت که گوں فارسے زھگ که درستئگیں وانگے
سامان مں آے ماتی زبانئنت،
بلوجے زھگا چار و پنچ سال لگیت که فارسی وانت کُت بکنت، یک مزنین بهرے چے وانگے وھد په زبانے ئیل کنئگا روت. بلے اشے مطلب اے نئنت که درستئگيں بلوچانی زھگ اے مشکلا دارئنت، ھستئنت بازیں بلوچ ورنا که گوں اے درستئگیں نگیگئیان، درس واننت و شریں ڈگرے گرئنت، بلے کجادروازگ
په آیاں پچ بیت، گوں وتی
درستئگیں قابلیتاں آ انگت فارسے دستے چیرا ببیت که پرچیا آ فارسے نئنت،شیہہ نئنت، گڑا اشے چتور توانے محرم ببیت. اشے مطلب اے نئنت که مردم درس موانیت. توے بچار بلوچے زھگ درس وانے په کدام دلوشیا، په کدام امیدا،اے مطلب ھم نئنت که بلوچے زھگ درس موانیت و اے واکدارانی خاصین مقصدانت که انچوش ببیت و اے یک زنڈین جذنگے لوٹی که اے نمونئیں سیاستاں بے اسر بکننت.
بلوچ قوم تقریبا دہ یکے حسابا کئت، بلے بچار چُنت یک چے اے دہ یکا
پلیسے تهائنت، فوجے تهائنت، وزیر و گوزیرنت، سفیر کونسلنت، بیروکراسے تهائنت۔ توے فکر بکں اگن دہ یکے بلوچ ببنت،گڑا چُنت ھزار بلوچ
روزگارے سرا بنت و چونین رقابتی وانندگانی تها جوڑ بیت و چتور مردم په
اے پُستانی گرئگے واستا مهنت کنت.
ھستں مردم کہ گُشنت که مۓ درستانی سرا مطلب فارس، بلوچ، کرد
غیرہ و عیرہ یک وڑا زور و ظلم
بیئگائنت،اگں توے برزے گپاں ھیرت بچارے گڑا مردما سما بیت کہ چوش نئنت. په مثال اگں یک بلوچی په وامے گرئگا بانکا بروئت گڑا آ بائدانت بہ قولے فارسان ھفت خوانے رستما بگوازینئت تنکه آئیا وام برسئیت،
اگن بلوچے بلوٹے په مثال شرکتے جوڑ بکنت گڑا چے آئیا ضرور جُست بیت
که اے زر توے چے کجا ارتئگنت، اے اسلامی زر نئنت. بلے مرچاں یک کارے کننت، اگں شرکتی که مں بلوچستاناجنئگ بیتئگ و گڑا آ شر دیما مروئت، گڑا ائیا گوں بلوچاں گون یک مزنین
قیمتیا بهائی کننت، اگن پروشیئت گڑا پروش وار بلوچ بیت.
جی اےھم نوکیں گپے نه انت و حق واراں ھر وھدی په وتی بالا دستۓ قانونی کنئگے واستا په وت وڑ وڑین تجویز جوڑ کتۂگ و اے تجویز نام جاگۓ چوشکه ما درست یک قومے و یا که ما درست مسلمانیں۔ بلے وھدی مردم چے
وتی چپ و چاگردا کنزاں بیت و ایرانے اے دگ شهراں روگ و ائیگ شروع کت،
گڑا مردما ھمے سما بیت که ما درست یک نه ان، زبان فرق کنت، پوچاں فرق کننت، دود و ربیدگاں فرق کننت و مردما ھمی سما ھم بیت که
مے ملکے ضرورتنت نه قومے بلوچے۔ بچار کئیا دیستئگ که یک فارسے په فارسی وانئگ، لباسے پوشئگا، نامے زیرئگا مزمت، بندیگ و بے ابرو کنئگ
بیتئگ. گوستئگیں سالا من شتاں تهرانا، نمازے وھد بیت و جست و پرسا لگئتاں کہ باريں سنیانی مسجد
کجاانت، ھر کسا ھمے جواب دات که اداں سنی مسجد نئست. بلے بیا مے ملکا گڑا توے گندے چنت مسجد په ایاں جوڑ بیتئگ و جوڑ بیئگاانت، اگں سنی بلوٹنت مسجدے جوڑ بکننت گڑا اجازت نامه لوٹے.
دو سال پیسرا منا یک مردیں زھگی بیت، دلا ژوبینئگی کت که قدیمی بلوچی
نامی بزیراں، دمبرتئگه عربی نامۓ زیرئگا،گوں وتی لوگ بانوکا ھمے مشورت
بیت که زھگے ناما بکننں ھیبت. من شُتان ادارے ثبت و احوالا، وھدے منی
باریگ بیت، گڑا ھمے جُست چے منا بیت کہ مشکل چیئنت، من پسوے دات و گُشتوں واجه مشکلے گپ نئنت. گڑا چے منا جُستے کُت گڑا من ادان چے لوٹان. من جواب دات که مارا مردین زھگے بیتئگ و لوٹن سجلے په آئیا بگرین۔ واجه کارا جواب دات و گُشتے بیا اے لیستابزیر و یک نامے پسند کن. من جواب دات که ما نام بستئگ و توے اے زحمتا بکش مارا
سجلے بدے۔ واجہ کارا پدا منا جُشت کُت که ما چونین نامے پسند کُتئگ۔ من
جواب دات ھیبت. واجه کارا گؤشت ھیبت؟ من جواب دات جی ھو۔ واجه کارا گُشت که اے اسلامے نامے نئنت و لیستے نام گیشتر فارسے تئنت تنکه اسلامے و من بلاجبار محمد پسند کُت.
سوبان: شریں توے بگوش پرچیا اے فرنگی اے خدا دوستین عثمانی دمبا
چو ھڑکئین کُچکۓ کپتئگئنت۔ اے بندہ خداغیر چے قرانےالفاضانے دگہ ھچ
وڑرین الفاظ استمال نکنت و ھر وھدی آئے ھبراں گوش کنۓ، بچارے که
قران وانیت، گڑا چوشین مردم چتور خراب بیت کنت. بارین توے بگوش
اے بندہ خدا قرانے وانگ چۓ کجا ائل کتئگ، ضرور بقولے مۓ ملاھان
اداں عربستانے دست ھورئنت و اے بندہ خداے وھابی کُتئگ۔
نودبندگ: نگبخت عثمان وت عربے و چے عربستانا اتکئگ۔
سوبان: گڑا کئیا گوشتئگ که بے دردین سرا درد بدے، اے گنجین
عربستانا یلوے بکن اوگانستانا بیا۔