بلوچستان ءِ راجی زرمبش ءِ برنامه و بُن رهبند
سرگال
ايران يک باز راجی ملکے انت که بلوچ هم يکے چه آ راجان انت . ايران ءِ تها اے راجانی هور بيگ ما دگه دگه دوراں ، جھان ءِ مزنیں سياستانی تها چست و اير و بدليانی آ سر ءَ بوتگ انت . چه بريتانيا ءِ امپراتوری و قاجار حکومت ءِ دست ءَ بلوچستان ءِ زورانسریں بهر بيگ ءَ بازیں سالے پِر گوستگ بلے مروچی مۓ بلوچ راج ءِ راجی زرمبش وتی راست و بر حقیں راه ءَ گام جنان انت.
جهان ءِ نوکیں بند و بست که چه رودراتکی بلوک ءِ پروش ءَ رند دروشم زوران و جوڑ بيان ات ، چه ستمبر ۲۰۰۱
ءِ سرگوست ءَ رند گوں تيزتریں رواجے ءَ ديما روان انت . ماں اے پڑ ءَ نه ايوکا بازیں ملکانی سياسی بُن هشت سُست بيتگ انت بلکیں لهتے جاهاں آهانی ملک ءِ جوڑ بند ءِ سرا هم جُست بيگ ءَ انت . ماں اوگانستان ءَ طالبان ءِ کٹریں نظام و عراق ءِ ديکتاتوریں حکومت ءِ چپيگ بيگ ، مياں رودراتک ءِ سياسی چست و ايرانی مزنیں مثال انت . په دموکراسی و راجی حقانی گرگ ءَ چشیں چست و اير و بدلی ماں بازیں ملکاں گوں مزنیں جان و مال ءِ تاواناں همراه بوتگ . پيسريگیں يوگسلاوی ءِ ديکتاتورانی چه دمکراسی ءِ ردوم و جهان ءِ سياسی جاور و خاص اود ءِ راجانی جد وجهد و راجی زرمبش ءَ ناسرپدی و آهانی راجی حقانی نه مَنگ سبب بيت انت که کشت و کوش و هونريچی ببيت ، ملک پرشت و پروش و مياں استمانی پڑ ءَ ايوک کنگ ببيت .
ماں پیسریگیں چکسلواکی ءَ حق خوداراديت ءِ احترام و مَنّگ ءَ چه کشت و کوش و هونريچی ءَ ديمگيری کت . دوئین " اسلواک " و " چک " راجاں شّریں و مردم گری وڑے ءَ وتی استمان ءِ لوٹ ءِ آسر ءَ دو وت واکیں ملک جوڑ کت .
ماں اسپانيا ءَ کاتالان راج ءِ جد و جهد په وتی راجی پجار ءِ مَنّينگ ءَ و همے دابا مزنیں وتواجهی ءِ گرگ ، ماں راجی اڑانی گيشّينگ و راجی پجارءِ منّگ و دموکراسی ءِ ديمروی ءِ نوکیں درور انت .
ايران ءِ همساهگی ءَ ، ماں عراق ءَ کُرد راج ءِ جد و جهد چه ميان استمانی جاور و دموکراسی ءِ ديمروی ءِ اثر ءَ " يک راجی " ردیں سياست ءِ ديما اوشتات و ماں عراق ءَ فدراليسم ءِ برجاهی و وتی راجی پجار و حقانی منينگ ءَ سوبیں بوت.
ماں ايران ءَ چه عراق ءَ گيشتر راج جه منند انت و پميشا راجانی بنياد ءَ يک فدرالیں نظامے ءِ برجاهی سک الّمی انت . ايران ءِ اسلامی جمهوری ءِ ديکتاتوريں رژيم ءَ يک هنچیں سياه و بيمناکیں جاورے برجاہ کتگ که په راجی و انسانی حقانی گرگ و حاصل کنگ ءَ درستیں دموکراتيک و مردم گری راه بستگ انت . پميشا ايران ءِ استمان ءِ جد وجهد مروچی وڑ وڑ ءَ ديما روگ ءَ انت .
بلوچستان ءِ سوسائیٹی ، فکری و اجتماعی لحاظ ءَ چنت سال پيسریگیں نه انت و نوکیں نسلے ماں اقتصادی ، اجتماعی و راجی زرمبش ءِ پڑ ءَ آتکگ . اے پدريچ چه وتی راجی حقاں
گيشتر زانتکار انت ، پميشا په وتی راجی و اجتماعی حقانی گرگ ءَ پَکّاتر و په رهبندتر انت .
بلوچستان ءِ راجی زرمبش ءِ ردوم ءِ آسر ءَ ، رحيم زردکوهی ءِ سروکی ءَ يک کسانیں رُمبے ءَ سال ۱۳۵۰
ءَ ماں روايرشتی بلوچستان ءَ اوليگیں راجی جد و جهد ءِ سياسی بن
هشت اير کت . بلے اپسوز ، پيش چه اشی ءَ که آ وتی جد وجهداں ديما ببر انت ، آهانی گيشتریں باسک و سروک گِرگ و بند کنگ بوت انت .
سال ۱۳۵۷ ءِ ايران ءِ استمان ءِ چست بيگ و شاه ءِ رژيم ءِ چپيگ بیگ ءِ آ سر ءَ ، ھمے