مهرنهادءِ یاتءَ پرسی دیوان برجم دارگ بوت  

مان سوئدءِ بنجاهی شهر بزان استکهلمءَ په بلوچستانءِ نمیرانین سرمچارانی سرمچار ءُ نوکین نسلءِحقانی پد جنوک ءِ سروک(صدای عدالت جوانان بلوچستان)ءِ پاگ واجه شهید یعقوب مهرنهاد ءُ شهید عبدالناصرءِ یاتءَ پرسی دیوانے  برجم دارگ بوت.

  دیوانءِ ٹهینوک واجه محمد زینالدینی گون سوئڈ نی زبانءَ دیوانءِ نندوکانءَ وش آتک گوشتءُ پدءَ شهیدانءِ باروءَ گپءُ تران کت.

 واجه زین الدینیءَ شریءِ سرءَ ایران ءِ اسلامی جمهوری رژیمے هونوارین،پلیتین،انساپ نا پسندینءُ دلوت سپتینءُ دیکتاتورین هکومت ءِ بلوچِ نسل کشیءِ عملءَ ڈوبارات.

 مان اے دیوانءَ ابید چه بلوچان سوئڈنءِ وزارت خارجهءِ نمایندگ ءُ محیط زیستءِ نمایندگ بهر زورت ءُ دولت سوئدءِ نه وشیءِ توارءَ هور گون اے دگه بلوچان اعلان کت.

 هنچوش یکے چه کردستانءِ تنظیمان بزان کوموله ءِ نمائندگءَ  هن وتی نه وشیءِ توارءَ اعلان کت.

 بانوک منیرءَ گون وتی نازروکین گٹ ُءِ گیریوگانءُ هلیسکگان ، دیوانءِ ماهول بدل کت ءَ بازینے چه دیوانءِ مردمانءِ ارس در اتک انت.

 دیوانءَ اے جگرکپینءُ دل سندین هالءَ په نمیرانین یعقوب مهرنهادءُ آئیءِ همراه شهید عبدالناصر طاهریءِ لوگے عزیزان چه دلے جهلانکیان تسلیت گوشت ءُ وتءَ را گون اے غم ءُ اندوهان شریدار زان انت.

                                لهتے چه استکهلمءِ بلوچان