کرد چه آمریکایا شکر گزار انت
کردو بکشی گشگے مطابقا مروچی کرد چه آمریکایا شکر گزار انت. ادان مان سوئیڈنا کردانی و
لیبرالین گلانی میانا رابطه شرترو مزبوتر بوتگ و چه دگه نیمگه
چپی گل و پارٹیان کردانی جنزا ( مسئله ) وتی انٹی آمریکن
سیاست قربانی کتگ.
1987ء اولی رندا سدرکویست اوسوالد که چه چپی گلے
نیمگا پارلمنٹ ممبر ات، کردانی جنزے باروا مان سوئیدنے پارلمنٹا گپ و تران کت. آ زمانگء کردانی سیاست چپ ( لفٹ ) زرمبشتء وڑا انٹی امریکن ات. په همی سببا چپ زرمبشت کردانی جد و جهدے پانکجنی کتگا ات. چه دگه نیمگے صدامے سیاست هم انٹی آمریکن
سیاست ات و همی سببا چپ زرمبشت صدامی حامی و پشت ات .
رند چه ایران و عراق جنگا،
مان کردانی سرا مزنین مصیبتے کپت. 1988ء مارچء 16 تاریخا صدامی رژیما
گون شیمیایی بمب حلبچه شهر بمباران کت، که مان اے
بمباریا گیش چه 5000 هزار کرد مزن و کسان جنین و مردین کشگ
بیت و گیش چه 10000 ٹپی و ٹو ری کنگ بیت
انت. په حلبچه سالروچ خاطرا مان سوئیڈنا چپی گل و پارثیان یک
کمیٹی جوڑ کت.
پیسرا اگه تو چم شانک بداتین یکے چه لیبرال
پارٹی مردماں یا که مدرات
پارٹی مردماں تو ندیست که گون کردء جنزا تپاک ببیت و یا واهگ و دوستی پیش بداریت.
2003گون صدامے چپی کنگ و امریکا ے ایگ مان عراق، کردانی پانکجنی و مدتء سببا کرد گون
آمریکا همراه بیت انت. په اے هاترا که مان یک نوکین عراقیء
کردان وتی گارین حق برسیت. واجه بکشی گشیت که پرچا
کرد چه وتی حق و حقوقاں سر بگوزانت؟ کجام راج چه وتی حقا سرگوستگ که ما کرد
سربگوزین؟
بلے بژن که چپ زرمبشت ھمے موجودین جاورانی
دارگ لوٹوک انت، و ما کردان اے
جاورانی بدل بیگ و آهانی
تها بدلی و سدلی ء ارگے واهوکین.
بکشی گشیت کردان په شرین ڈ ولی گون
ریال پولیٹکسء مطابقء وتی
پالیسی دیما برتگ انت. آ گشیت اگن دگه راجی ء اے موه دست بکپتین زانا اهان همے
کار نکتگ ات؟
چپی گلانی شک و شهبه چه کردانی جنز و اهانی جد و
جهدا گون
اهانی هساب نکنگ و چمے چیرا نیارگ، و هنون گون بهتام و دروگا همراه بیتگ . واجه بکشی گشگ مطابقا لفٹے بازین نبشتانکے
مان استکهلم، پاریس، رم و
... کردانی سروک ان که گون ڈمکراٹیکین
وڑے گچین کنگ بوتگ انت، آمریکاے گلام اش گش
انت!!!!؟؟؟؟ په اے واستا که کردان
وتی قاتل بزان حونوارین صدام
حسینے همراه داری نکت .
صدامی حکومتء یک و
نیم میلیون انسان کشت و ما کردان بایدات که گون هر کسا په صدام بعثی حکومتے چپیگ کنگا
همراه و هم کوپگ بوتینین.
ادے لهتے چپین جرنالیست تان اودان دیما
شتگ انت که آهان په دروگ نبشتگ که کردانی پیشمرگ (سرمچار) په
سنیانی کشگ چه درستان دیماتر
انت.!! چپ زرمبشت واستا هما
جد و جهد شر انت که ضد امریکن انت،
آهان یکبرے چه پولپوت و هنون چه
مردمکشین گروپان که مان عراقء هر روچ بیگناهین عراقی
مردم کشگ انت، حمایت و پانکجنی کتگ و انگت کنگا
انت.
کردو بکشی چه وتا جست کنت که ایا ما کردان گون امریکا همراهی و همکاری کنگا چیزے
سوب رستگ یا نه؟ واجه بکشی پسو ایش
انت که هو ، مزنین سوبے کردان رستگ. کردانی جنز باز دیما شتگ. گیشتر چه هر دگه وهدے . آ گوشیت که مروچی کرد چه وتی مراد و
آرمانانی منزلا باز دور نه
انت. و ھنو عراق تها کردان مزنین رولے ادا کنگا انت. عراق
رِِییس جمهور (پرزیدنت) جلال طالبانی انت و دگه
بازین منصب و مقام مروچی
کردان گون انت. مسعود بارزانی کردستان علاقائی حکومتء مزن پاگ واجه انت. ھمے چنت وهد پیسر
گون امریکا رئیس جمهور جورج بوشء مان واشنگتنء گند و نندے بوتگ.
کردانی دیمروی وکامیابی مان عراقء بے شک مزنین اثرے مان کردانی جد و
جهد و اهانی تشخص واستا مان ایران، ترکیه و سوریه ایر کتگ. ترکیه ے کرد وش انت که ترکیه مان
یوروپ تها بئیت و یوروپ
باسک جوڑ ببیت. یوروپ باسک بئیگ په نزورین
راجانی حقے منگا بلکین یک گرنتٹی ببیت.
گپ ایش انت که یوروپا نه اے لوٹ
و نه اے وس هست انت که کردے جنزا گیش و
گیوار بکنت. کردے جنز مروچی آمریکاے
مسئله انت. و چه اے بدلی و سدلیاں رند، بزان کردانی پرو
امریکن ریال پولیٹکس مان عراقء وآهانی مثبتین رفتار و نظر په ترکیه هور بیگ مان ای يو ا، کرداں چه چپ زرمبشت چمء پرینتگ و دورکتگ. کردانی جنز که یک روچی
چپی جنز زانگ بیتگ، هنون راستین واکانی جنز و مسئله زانگ
بیت.
کردانی نوکین سال ء جشن و مراگهانی تها ما گیشتر
لیبرال واکانی سروک و مردمان گندین تان که چپ هیال
واهندان.
گڈ سرا واجه بکشی گشیت که، کردے جنز(مسئله) یک انسانی مسئله ی که هر
هیال واهندء فرض انت که آئی
همراه داری و مدتا بکنت.
کرد په وتی انسانی و ر اجی حقانی رسگا مان
ایران، سوریه و ترکیه دروستانی کمک و مدتا راهچار و محتاج انت.
کردو بکشی کردین جرنالیستی که ما سوئیڈنا
جاه منندانت. کردو بکشی نبشتانک مان ایکسپرس
۔
سوئیدن چاپ و شنگ
بیتگ.
ابوالقاسم